Xankəndidə “Qarabağ” - MOİK oyunu bir qolla başa çatdı - Yenilənib + Video

Oxu.Az-ın məlumatına görə, oyun “Qarabağ” komandasının 1:0 hesablı qələbəsi ilə bitib.

Oyunda xeyli qol vəziyyəti yaransa da, yalnız 90+3-cü dəqiqədə “Qarabağ” klubunun futbolçusu  Nəriman Axundzadə qol vurmağa nail olub. 

Bununla da Ağdamın “Qarabağ” komandası Azərbaycan Kubokunun 1/4 finalına vəsiqə qazanıb.

***

Azərbaycan Kubokunun 1/8 final mərhələsinin dekabrın 21-i Xankəndi şəhər stadionunda keçirilən “Qarabağ” - MOİK matçında hesab açılıb.

Oxu.Az-ın məlumatına görə, oyuna əlavə edilmiş ilk dəqiqədə “Qarabağ” klubunun futbolçusu  Nəriman Axundzadə hesabı açıb

***

Azərbaycan Kubokunun 1/8 final mərhələsi çərçivəsində Xankəndi şəhər stadionunda keçirilən “Qarabağ” - MOİK matçında ikinci hissə başladı.

Oxu.Az xəbər verir ki, birinci hissədə hesab açılmayıb. Matçın 33-cü dəqiqəsində “Qarabağ”ın futbolçusu Riçard Almeyda zədələnib. Onun yerinə meydana 39-cu dəqiqədə Patrik Andrade daxil olub.

***

Azərbaycan Kubokunun 1/8 final mərhələsi çərçivəsində Xankəndi şəhər stadionunda keçirilən “Qarabağ” - MOİK matçında ilk hissə başa çatıb. 

Oxu.Az xəbər verir ki, birinci hissədə hesab açılmayıb.

***

Azərbaycan Kubokunun 1/8 final mərhələsinin “Qarabağ” - MOİK matçı başlandı.

Oxu.Az xatırladır ki, oyun 35 il sonra Xankəndi şəhər stadionunda keçirilir.

Poliqon.info