Avropa Parlamenti və Avropa İttifaqına üzv ölkələr miqrasiya siyasətində islahatla bağlı razılığa gəliblər...
Poliqon "RİA Novosti" Agentliyinə istinadən xəbər verir ki, bu barədə Avropanın daxili işlər üzrə komissarı İlva Yohansson bildirib.
"Biz miqrasiya və sığınacaq siyasəti ilə bağlı hərtərəfli paket üzərində razılığa gəldik", deyə komissar bildirib.
İlva Yohanson aydınlaşdırıb ki, bu, Avropa İttifaqı ölkələrinin sərhədlərinin daha yaxşı qorunmasına kömək edəcək. Avropa komissarı vurğulayıb ki, Avropa dəyərlərinə əsaslanan islahatlar həmrəyliyi gücləndirməyə və sığınacaq axtaranların daha da qorunmasına kömək edəcək.
Miqrasiya və Sığınacaq Paktı indi rəsmi təsdiq prosesindən keçməlidir. Bu, xarici sərhədlərdə artan nəzarəti, sığınacaq müraciətlərinin daha sürətli işlənməsini və Aİ-də qalmaq hüququ olmayan şəxslərin ölkədən çıxarılmasını tənzimləyən yeni qaydaları ehtiva edir.
Dekabrın 19-da məlum olub ki, Avropa İttifaqı miqrantlara görə üçüncü ölkələrdə divar hörmək istəyir. Belə ki, üzv ölkələr öz ərazilərinə gələn miqrantların sayını azaltmaq üçün üçüncü ölkələrin sərhədlərində divarların və hasarların tikintisini maliyyələşdirməyə hazırdırlar.
"Euroactiv"in məlumatına förə, bununla bağlı müvafiq görüşlərin dekabrın 18-də və 19-da baş tutub. Eyni zamanda, əsas müzakirə mövzusu miqrasiya həmrəyliyi adlandırılan mexanizm olub. Jurnalistlərin fikrincə, əvvəlcə avropalı parlamentarilər yalnız miqrantların köçürülməsi və çətin vəziyyətə düşmüş region ölkələrinə maliyyə yardımı göstərilməsi imkanlarını müzakirə etməyi planlaşdırıblar. Məqalədə qeyd edilir ki, Aİ rəhbərliyi ümumilikdə Alyansın sərhədlərini əcnəbilər üçün daha keçilməz etməyə cəhd edə bilər.
"Həmrəylik mexanizmi"nin mahiyyəti əlavə tədbirlər kompleksi ilə köklü şəkildə dəyişdirilə bilər", deyə nəşr yazır.
Poliqon.info