Qərb dövlətləri Ukraynada qalib gəlsə, Kosovonun müstəqilliyi tanına bilər...
Poliqon xəbər verir ki, bunu "İzvestiya" qəzetinə müsahibəsində Avropa Parlamentinin Xorvatiyadan olan üzvü İvan Vilibor Sinçiç deyib.
Onun fikrincə, Kosovonun taleyi Ukrayna münaqişəsində həll olunacaq:
"Rusiya Ukraynada qalib gəlsə, Avropa İttifaqı və ABŞ zəifləyəcəksə, Kosovo Qərbin əhəmiyyətli dəstəyindən məhrum olacaq. Müttəfiqlər nəhayət Əfqanıstandakı kimi Kamp Bondsteeli tərk edəcəklər. Əgər Qərb qalib gəlsə, Kosovo müstəqilliyə nail ola bilər", deyə Sinçiç bildirib.
Qeyd edək ki, Kosova Şərqi Avropada bölgə və eyni zamanda müstəqilliyi mübahisəli dövlətdir. Kosovo Balkan yarımadasında dənizə çıxışı olmayan ölkədir. Şimal və şərqdə Serbiya, cənub-şərqdə Şimali Makedoniya, cənub-qərbdə Albaniya, qərbdə isə Monteneqro ilə həmsərhəddir. Paytaxtı və ən böyük şəhəri Priştina şəhəri, ümumi sahəsi 10,887 kvadrat kilometrdir.
Kosovo 17 fevral 2008-ci ildə Serbiyadan müstəqilliyini elan edob. Kosovo ərazisindəki alban çoxluğu Kosovo Respublikasının müstəqilliyinin dünya dövlətləri tərəfindən diplomatik tanınmasına cəhd edir. Serbiya isə bu bölgəni öz daxilində Kosovo və Metohiya muxtar vilayəti kimi tanıyır. Hazırda Kosovonun müstəqilliyini 101 ölkə tanıyıb. Azərbaycan Respublikası Kosovonun müstəqilliyini tanımayıb.
Poliqon.info