İsrail HƏMAS lideri Yəhya Sinvarın yerini xəbər verənə 400.000 dollar mükafat verə bilər...
İsrail Fələstinin HAMAS qruplaşmasının lideri və təşkilatın hərbi qanadının qurucularından biri Yəhya Sinvarın harada olduğu barədə məlumat verənə 400 min dollar mükafat təklif edə bilər.
Poliqon xəbər verir ki, bu barədə İsrailin “The Times of Israel” qəzeti məlumat yayıb.
Nəşrin yazdığına görə, sosial şəbəkələrdə İsrail ordusu adından paylaşılan vərəqələrin fotoları peyda olub. Həmin vərəqələrdə telefon nömrəsi və Telegram əlaqəsi var. Vərəqələrdə bildirilir ki, həmin əlaqələr vasitəsilə Sinvarın hazırda harada yerləşdiyi barədə məxfi məlumat ötürülə bilər. Times of Israel bu vərəqələrin həqiqiliyini təsdiq edə bilməyib.
Bundan əlavə, vərəqədə HƏMAS lideri Məhəmməd Sinvarın hərəkatın cənub briqadasına rəhbərlik edən qardaşı üçün də mükafat təklif olunur. Onun məlumatı üçün 300 min dollar vəd edirlər. Siyahıya həmçinin Xan Yunis şəhərindəki HƏMAS batalyonunun komandiri Rafa Salameh (200 min dollar) və hərəkatın hərbi qanadınn digər lideri Məhəmməd əd-Deif (100 min dollar) da daxildir. .
Qeyd edək ki, noyabrda Britaniyanın The Guardian qəzeti Sinvarı və hərəkatın hərbi qanadı Əl-Qəssam Briqadalarının rəhbəri Məhəmməd əl-Deyfanı HƏMAS-ın oktyabrın 7-də İsrailə hücum planının müəllifləri kimi göstərmişdi.
Poliqon.info