Ukrayna problemi Macarıstanın vetosundan yan keçməklə həll oluna bilər

Poliqon "Sputnik Litva"ya idtinadən xəbər verir ki, bunu respublika prezidenti Gitanas Nauseda deyib.

"Əgər veto hüququndan sui-istifadə etsək, biz sadə və ya müəyyən səs çoxluğuna keçməli olduğumuzu söyləyən skeptiklər düşərgəsinə, şübhəsiz ki, əlavə arqumentlər verəcəyik... Məncə, Macarıstan nisbətən kiçik dövlət kimi bunu istəməməlidir", deyə prezident bildirib.

Gitanas Nausedanın fikrincə, Macarıstan Ukraynanın üzvlüyü ilə bağlı danışıqların başlanmasını əngəlləməklə, özünə ziyan vurur.

Qeyd edək ki, bundan əvvəl Avropa İttifaqı ölkələrinin liderlərinin Macarıstanın bu qərarı əngəlləməklə bağlı bəyanatlarına baxmayaraq, bu həftənin sonuna qədər Ukraynaya dəstək üçün təxminən 50 milyard avro ayrılması barədə razılığa gələ biləcəyi bildirilib.

Dekabrın 14-15-də keçiriləcək Aİ sammitinin gündəliyinə Ukraynanın Avropa İttifaqına daxil olması və 2027-ci ilə qədər Kiyevə 50 milyard avro ayrılması məsələsinin müzakirəsi daxildir.

Eyni zamanda, Macarıstanın baş naziri Viktor Orban Aİ-yə üzv olan 27 ölkə lideri arasında yeganə olaraq qalsa belə, Alyansın "dəhşətli səhv"ə yol verməsinə və Ukraynanın birliyə qoşulması ilə bağlı danışıqlara başlamasına imkan verməyəcəyini bildirib.

Poliqon.info