Çinin Tayvan uğrunda mübarizədəki zəif nöqtəsi açıqlanıb

Neft Fars körfəzi ölkələrindən Hind okeanı vasitəsilə Çinə axır ki, bu da Çin iqtisadiyyatının istehlak etdiyi ümumi yanacağın təxminən yarısını təşkil edir. Bölgə Pekinin "Axilles dabanı"na çevrilərək düşmənlərinə müharibə vəziyyətində üstünlük verə bilər.

Poliqon xəbər verir ki, bu barədə "Reuters" hərbi attaşelərə və analitiklərə istinadən yazıb.

Bu zəiflik indi Tayvan və ya Şərqi Asiyanın başqa yerlərində Çinlə münaqişənin necə baş verə biləcəyi ilə bağlı ssenarilərdə araşdırılır.

Üç analitikin fikrincə, tammiqyaslı müharibədə tərəflərin düşmənlərinin iqtisadi resurslarını hədəfə aldığı 20-ci əsrdəki müharibələrdə olduğu kimi, iri neft tankerlərinin ələ keçirilmə və ya məhv edilmə hədəfi ola bilər.

"Onlar belə nəticəyə gəldilər ki, Çin üçün bu dəniz zolaqlarını qorumaq çətin olacaq. Münki tankerlər qorunmur", deyə "Reuters" yazıb.

"Çin dəniz gəmiləri effektiv şəkildə Hind okeanında tələyə düşəcək və onların hava dəstəyi çox az olacaq və ya heç olmayacaq. Çünki onların Çinin etibar edə biləcəyi heç bir bazası və ya obyekti yoxdur", deyə Avstraliya Milli Universitetinin təhlükəsizlik mütəxəssisi David Brevster bildirib.