Blinken: Sudanda Masalit xalqının etnik təmizlənməsi
ABŞ dövlət katibi Entoni Blinken Dövlət Departamentinin qiymətləndirməsinə istinadən bildirib ki, Sudanda döyüşən tərəflər - Sudan ordusu və Çevik Reaksiya Qüvvələri (RRF) hərbi cinayətlər, o cümlədən etnik təmizləmə törədirlər.
Poliqon xəbər verir ki, AFP məlumat yayıb.
Blinkenin sözlərinə görə, RRF Darfur bölgəsində Masalit xalqına qarşı etnik təmizləmə aparır. Qırğınların ilk növbədə ərəb qüvvələri və müttəfiq silahlı birləşmələr tərəfindən həyata keçirildiyi bildirilir.
Dövlət katibi masalitlilərin öldürüldüyünü, evlərinin yandırılaraq küçədə ölümə tərk edildiyini, bu xalqın nümayəndələrinə qarşı cinsi zorakılığın da olduğunu bildirib.
Suveren Şuraya rəhbərlik edən ordu komandiri Əbdülfəttah əl-Burhan ilə RRF rəhbəri Məhəmməd Həmdan arasında fikir ayrılığı səbəbindən Sudanda vəziyyət aprel ayında gərginləşib. Toqquşmalar zamanı, BMT-nin məlumatına görə, 10 mindən çox insan həlak olub.
Poliqon.info