Masallıda kafedə saxta alkoqollu içkilər aşkarlanıb

Bu barədə Poliqon-a AQTA-dan məlumat verilib.

Baxış zamanı qida təhlükəsizliyi sahəsində normativ hüquqi aktların tələblərinin pozulduğu müəyyən olunub.

Kafedə işçi heyətin tibbi müayinədən keçmədiyi məlum olub, həmçinin son istifadə müddəti bitmiş qida məhsulları və ümumi həcmi 24 litr olan müxtəlif əmtəə nişanları saxtalaşdırılaraq kustar üsulla hazırlanmış alkoqollu içkilər aşkarlanıb.

Faktla bağlı qanunvericiliyə uyğun olaraq sahibkar barəsində inzibati protokol tərtib edilib, istehlaka yararsız məhsulların məhdudlaşdırılmasına və məhv edilməsinə dair qərar qəbul olunub.

Araşdırmalar davam etdirilir.

Poliqon.info