Marşrutları Hörmüz və Bab əl-Məndeb boğazlarından, eləcə də Süveyş kanalından keçən yük gəmilərinin operatorları Qırmızı dənizdə hərbi mühafizənin artırılmasını xahiş edirlər...
Poliqon xəbər verir ki. bu barədə The Financial Times nəşri məlumat yayıb. Nəşr yazır ki. bəzi operatorlar artıq gəmilərin marşrutlarını dəyişib ki, bu da müştərilər üçün çatdırılma xərclərinin artmasına səbəb olub.
İsrailin “Zim” logistika şirkəti ötən həftə bildirib ki, bəzi gəmilərinin marşrutunu dəyişir: onlar indi Ümid burnu ətrafında və Qərbi Afrika boyunca gedəcəklər. Sığorta brokeri “Marsh”ın dəniz şöbəsinin rəhbəri Markus Beyker, bəzi sığortaçıların ötən həftə tarifləri bəzi hallarda 300% artırdığını söyləyib.
Qeyd edək ki, son zamanlar Yəmən husilərinin Qırmızı dənizdə ticarət gəmilərinə və döyüş gəmilərinə hücumları daha tez-tez baş verir. Bir gün əvvəl Pentaqonun Mərkəzi Komandanlığı üç kommersiya gəmisinə hücumlar barədə məlumat vermişdi. Dünən isə husilər Bab əl-Məndəb boğazından keçən Britaniya ticarət gəmisinə havadan hücum ediblər.
Poliqon.info
Digərxəbərlər
Populyar xəbərlər
