Beşinci Milli Analar Yığıncağında Şimali Koreya lideri Kim Çen In ölkədə doğum nisbətinin aşağı düşməsindən narahatlığını ifadə edib...
Poliqon xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb. KXDR lideri bunu gənclər arasında artan “antisosialist davranış problemi” ilə əlaqələndirib və qadınları “Partiya, inqilab və ölkə naminə” mümkün qədər çox uşaq dünyaya gətirməyə çağırıb.
Kim Çen In çıxışında “çoxlu uşaq dünyaya gətirən qəhrəmanlara, yetimlərə qulluq edən analara, Pxenyan və Regional Qadınlar Birliyinin nümayəndələrinə” təşəkkür etməklə kifayətlənməyib, həm də hazırkı görüşün “vəzifələri müzakirə etmək üçün zəruri olduğunu” bildirib.. Agentliyin qeyd edib ki, toplantıda olanlar “mehriban atanın sevgi və inamla dolu müraciətini göz yaşları içində dinləyiblər”.
KXDR lideri ilk dəfə deyil ki, demoqrafik problemə diqqət çəkir. O, 2021-ci ilin iyun ayında Analar Birliyinin konfransında eyni şey haqqında danışıb.
Poliqon.info