5 il şərti cəzası olan Seymur Məmmədovu direktor qoyanlar məhkəmə qərarından xəbərsiz olublar?

Bir neçə gün əvvəl ölkə mətbautında Sumqayıt Bulvar İdarəsinin direktoru Seymur Məmmədovun dələdzuluq maddəsi ilə 5 il şərti cəza alması ilə bağlı ilginc məlumat yayıldı. Həmin məlumatda bildirilirdi ki, Seymur Məmmədov Sumqayıt Bulvar idarəsinin direktoru vəzifəsinə təyinat almazdan bir neçə ay əvvəl Bakı Apellyasiya Məhkəməsində dələduzluq maddəsi ilə mühakimə olunub və 5 il müddətində şərti cəza alıb.

Qeyd olunur ki, Abşeron rayonu Saray Bələdiyyəsi və vətəndaşlar Elşən Rəhmanlı ilə Elmir Şəmiyevin iddiası əsasında 2022-ci ildə Bakı Apellyasiya Məhkəməsində hakim Rəşad Abdulovun sədrliyi ilə baxılan işin yekununda Seymur Məmmədov və onun qohumu, həm də ortağı kimi adı hallanan Çingiz Təhməzov Cinayət Məcəlləsinin 178.3.2 maddələri ilə təqsirləndirilərək 5 il şərti cəza alıblar.

Eyni zamanda, Seymur Məmmədovun Masazır qəsəbəsindəki “göl” adlanan ərazidə qanunsuz olaraq həyata keçirilən həyət evlərinin inşasına hamilik etdiyi də onun barəsində irəli sürülən iddiaların mühüm elementi kimi önə çıxıb.

Qeyd edək ki, məhkəmənin qəraı ilə Seymur Məmmədovun 5 il şərti cəza aldıqdan bir neçə ay sonra Sumqayıt Bulvar İdarəsinin direktoru təyin edilməsi isə qanunlara ziddir. Dələdzuluq maddəsi ilə təqsirləndirilən şəxsin cəza alması və cəzasını çəkdiyi müddətdə isə vəzifəyə təyin olunması mümkünsüz olsa da, bunun Seymur Məmmədova aidiyyatı olmayıb. Yəni Seymur Məmmədovun Sumqayıt Bulvar İdarəsinin direktoru təyin edilməsi ilə bütün qanunlar tapdalanıb.

Bəs görəsən Seymur Məmmədvu bu vəzifəyə təyin edənlərin məhkəmə qəaraından xəbərləri olmayıb? Axı onlar bu şəxsi yüksək vəzifəyə təyin edərkən onun şəxsi işini araşdırmalıyıblar? Belə bir məsuliyyətsizlik necə yaşanıb?

Mövzuya qayıdacağıq.

Poliqon.info