Co Bayden administrasiyası həftələrdir ki, Qəzzada yardım qruplarının yerləşdiyi yerlər haqqında İsrailə məlumat versə də İsrail bu hədəflərə hücumlarını davam etdirib...
Poliqon xəbər verir ki, bu barədə mənbələrə istinadən Politico nəşri məlimat yayıb.
Nəşr yazır ki, ən azı bir ay ərzində Birləşmiş Ştatlar “Əl-Şifa” Xəstəxanası kimi bir sıra tibb müəssisələrinin GPS koordinatlarını və humanitar qrupların hərəkət marşrutlarını özündə əks etdirən məlumatları İsrailə ötürüb. Buna baxmayaraq, İsrail xəstəxanalar və ya obyektlərin yaxınlığındakı ərazilər də daxil olmaqla, yardım obyektlərində HƏMAS-a qarşı əməliyyatları davam etdirir. Bu, binaların dağıdılmasına, yanacaq və digər vacib materialların tədarükünün dayandırılmasına səbəb olub.
Politico qeyd edib ki, ABŞ-ın hücuma məruz qalmamalı olan hədəflərin siyahısını tərtib edib-etmədiyi və ya ötürülən məlumatların birdəfəlik tövsiyələr olub-olmadığı aydın deyil.
Qeyd edək ki, bu gün İsrail və HƏMAS girovların bəzilərinin qaytarılması və atəşkəs şərtləri barədə razılığa gəldiklərini açıqlayıblar. Dördgünlük atəşkəsin başladığının 24 saat ərzində elan ediləcəyi gözlənilir.
Poliqon.info