Roma Papası onu sərt şəkildə tənqid edən yeni prezidentə zəng edib

Poliqon xəbər verir ki, bu barədə “La Nación” qəzeti məlumat yayıb.

Mileyin partiyasındakı mənbələrə görə, yeni prezident ötən gün gözlənilməz bir zəng alıb. Belə Papa Fransisk ona zəng edib. Bu, Mileyin seçki kampaniyası zamanı qalmaqallı bəyanatları fonunda baş verib.

Miley və Papa arasında söhbət təxminən 8 dəqiqə davam edib. Söhbət zamanı Argentinada yoxsulluqla bağlı vəziyyət və yeni prezidentin sosial inkişaf sahəsindəki planları müzakirə olunub. Papa Mileyi qələbə münasibətilə təbrik edib.

Qeyd edək ki, Xavyer Miley argentinalı olan və ölkədə böyük hörmətə malik Papanı tənqid edərək onu “Yer üzündə ən zərərli olan hər şeyin nümayəndəsi” adlandırmışdı. Mileyin məsləhətçisi Alberto Beneqas Linç hətta Vatikanla münasibətləri kəsməyi təklif edib.

Poliqon.info