İraq telekanalı girov götürülmüş Rusiya və İsrail vətəndaşının videosunu yayıb

Poliqon xəbər verir ki, 4 ay əvvəl İraqda itkin düşmüş Çurkova kamerada İsrail və Amerika kəşfiyyat orqanlarında işləməsindən danışır və İsraili Qəzza zolağındakı hərəkətlərinə görə tənqid edir.

Telekanal videonun kimdən alındığını və tədqiqatçının hazırda harada olduğunu açıqlamır. Videoda xanım Çurkova iddia edir ki, o, Suriyada İsraillə “ölkənin şimal-şərqində Suriyanın demokratik qüvvələri” arasında əlaqələr qurmaq üçün çalışıb.

Tədqiqatçı bir sıra başqa açıqlamalar verib və ailəsini onun azadlığa buraxılmasını tələb etməyə çağırıb. Qeyd edilir ki, 2021-ci ildə xanım Çurkova Suriya və ya İraqa növbəti səfəri planlaşdırıldığı zaman girov götürülərsə, mübadiləyə qarşı olduğunu söyləmişdi.

İsrail iyul ayında Elizaveta Çurkovanın qaçırıldığını bildirib. O, Rusiya pasportu ilə araşdırma məqsədilə getdiyi İraqda yoxa çıxıb. Xanım Çurkova ABŞ-ın Prinston Universitetində doktorluq dissertasiyası müdafiə etməli və elmi tədqiqatlar aparmalı idi. KİV-in məlumatına görə, o, mart ayında yoxa çıxıb və İslam İnqilabı Keşikçiləri Korpusunun hərbi qolu olan “Əl-Qüds Qüvvələri” tərəfindən yaradılan “Kətaib Hizbullah” qruplaşmasının əlində ola bilər. Eyni zamanda, İsrail öz vətəndaşının taleyinə görə İraqın məsuliyət daşıdığını bildirib.

Poliqon.info