Hudson İnstitutunun Tədqiqat direktoru və Bard Kollecinin professoru Uolter Mead bildirib ki, Birləşmiş Ştatlar Ukraynada artıq məğlubiyyətə uğrayıb...
Poliqon xəbər verir ki, alim bu barədə Fiqaro qəzetinə müsahibəsində danışıb. Uolter Meada görə, Vaşinqton utancdan qaçmaq və sülh sazişini imzalamaq “səlahiyyətini” prezident Volodimir Zelenskiyə vermək istəyir.
Uolter Meadin sözlərinə görə, ABŞ prezidenti Co Baydenin strategiyası Zelenski Rusiya ilə danışıqların və ərazilərin verilməsinin vaxtının gəldiyi qənaətinə gələnə qədər Kiyevə yardım göstərməyə davam etmək olacaq. Hadisələrin bu cür inkişafı Amerika administrasiyasına Ukraynanın bütün qərarları özü verdiyini bəyan etməklə vicdanını sakitləşdirməyə imkan verəcək.
Ekspert əmin olduğunu bildirib ki, Vaşinqton Ukraynada artıq iki dəfə məğlubiyyət alıb. Uolter Mead Rusiyanın Ukraynada müharibəyə başlamasını ABŞ-ın ilk məğlubiyyəti adlandırıb. Alim ikinci uğursuzluğu Ukraynanın pis planlaşdırılan əks-hücum əməliyyatı hesab edir.
Uolter Mead Kiyevin vəziyyətini “dalana dirənmək” adlandırıb və ABŞ-ın Ukraynada qələbəsi üçün heç bir perspektiv görmədiyini bildirib.
Poliqon.info
Digərxəbərlər
Populyar xəbərlər
