Ukrayna və Moldovaya Avropa Parlamentində müşahidəçi statusu təklif olunub

Poliqon xəbər verir ki, bu barədə Avropa Parlamentinin rəhbəri Roberta Metsola "Politico"ya müsahibəsində bildirib.

"Bir ölkə Avropaya siyasi nöqteyi-nəzərdən baxırsa, o zaman Avropa qapılarını geniş açmalıdır. Genişlənmə həmişə Avropa İttifaqının ən güclü geosiyasi aləti olub", deyə Metsola bildirib.

Eyni zamanda, Avropa Parlamentinin rəhbəri qeyd edib ki, bu təşəbbüsü həyata keçirmək üçün o, parlamentin siyasi qruplarından dəstək almalı, eləcə də digər namizədlərə Avropa İttifaqına üzv olmaq üçün analoji imkan yaratmalıdır.

Metsola aydınlaşdırır ki, Ukrayna və Moldovadan olan müşahidəçi üzvlərin səsvermə hüququ olmayacaq. Eyni zamanda, onlara rəsmi olaraq Avropa Parlamentində yerlər veriləcək, bunun sayəsində qurumun ölçüsü 2024-cü ilin iyununda keçiriləcək Avropa seçkilərindən sonra 705 nəfərdən 720 nəfərə yüksələcək: "Bunun nə vaxt baş verəcəyini, hansı nöqtədə uyğun olduğunu görməliyik".

Ukrayna və Moldova 2022-ci ilin iyununda Avropa İttifaqına üzv olmağa namizəd olublar. Avropa Komissiyasının rəhbəri Ursula fon der Leyen deyib ki, Aİ Ukrayna və Moldovanı qəbul etməlidir ki, onların blokun dəyərlərini paylaşmayan ölkələrin təsiri altına düşməsin. Avropa Şurasının prezidenti Şarlz Mişelin sözlərinə görə, Ukrayna və digər namizəd ölkələr 2030-cu ilə qədər Avropa İttifaqına üzv ola bilərlər.

Poliqon.info