Lənkəranda avtomobil dərəyə aşıb, ölən və yaralanan var...
Lənkəran rayon sakini Xaqani Sucayev idarə etdiyi "VAZ-21014" markalı avtomobillə rayonun Təngivan kəndi ərazisində hərəkətdə olarkən idarəetməni itirib və nəqliyyat vasitəsi yolun kənarəndakı çay yatağına aşıb.
Bu barədə "Report"un Cənub bürosuna DİN-in Mətbuat Xidmətinin Lənkəran regional qrupundan bildirilib.
Nəticədə həmin nəqliyyat vasitəsində olan Lənkəran rayon sakini Ümid Əliyev ölüb, Loğman Qurbanov isə bədən xəsarətləri alıb.
Faktla bağlı araşdırma aparılır.
***
“Report”un Cənub bürosunun məlumatına görə, hadisə rayonun Təngivan kəndi ərazisində qeydə alınıb.
İlkin məlumata görə, avtomobil Lənkəran-Lerik yolunda hərəkətdə olarkən idarəetmədən çıxaraq aşağı yuvarlanıb.
Avtomobil dərədə olduğu üçün digər zərərçəkənin olub-olmadığı ilə bağlı dəqiqləşdirmələr aparılır.
Faktla bağlı araşdırma aparılır.
Poliqon.info