İsrailin Qəzza zolağına endirdiyi zərbələr nəticəsində 5791 nəfər həlak olub...
Poliqon xəbər verir ki, bu barədə oktyabrın 24-də Fələstin Səhiyyə Nazirliyinin nümayəndəsi Əşrəf Kadra məlumat verib.
Fələstin rəsmisinin sözlərinə görə, ölənlər arasında həmçinin 2360 uşaq, 1,3 minə yaxın qadın və üç yüzə yaxın qoca var. Nazirliyin nümayəndəsi bildirib ki, 16 mindən çox insan müxtəlif dərəcəli xəsarətlər alıb.
“Hazırkı münaqişə səbəbindən 12 xəstəxana və 30-dan çox tibb məntəqəsi fəaliyyətini dayandırıb”, deyə Əşrəf Kadra bildirib.
Qeyd edək ki, oktyabrın 7-dən İsraillə Fələstin arasında döyüşlər davam edir.
Poliqon.info