Avropa İttifaqı və ABŞ vahid olaraq qalır və bu, Rusiya prezidenti Vladimir Putinin xeyrinə işləmir...
Poliqon xəbər verir ki, bunu Böyük Britaniya ordusunun ehtiyatda olan polkovniki və hərbi ekspert Qlen Qrant deyib.
Zabit bildirib ki, Putinin məqsədi Ukraynanı fəth etməkdir, o, hələ də bunu etmək istəyir:
"Putin mümkün olan hər yerdə xaos yaratmaq istəyir. Onun birinci prioriteti NATO üzvü olan ölkələrin diqqətini Ukraynadan yayındırmaqdır. İkinci prioritet isə Aİ və ABŞ-ı ayırmaq istəyidir. O, Aİ ölkələrinin vahid qaldığını başa düşür və bu, onun xeyrinə işləmir".
Onun sözlərinə görə, Rusiya lideri daha çox tərəfdaş və müttəfiqə sahib olmaq istəyir. Bunun üçün o, bir sıra ölkələrin parlamentlərində marionet liderlər yerləşdirmək istəyir.
"Slovakiya, Macarıstan, Latviya, Bolqarıstanda Putin öz marionet liderlərini parlamentlərə yerləşdirmək istəyir. Biz bu vəziyyətə yalnız döyüş meydanında müharibə kimi baxmamalıyıq. Bəli, Putin Ukraynada döyüşməyə davam edəcək, lakin bundan başqa hələ çox şey var", deyə Qrant "Espresso"ya bildirib.
Poliqon.info