Putin İsraildəki müharibədən istifadə etməyə çalışır, amma...

Poliqon xəbər verir ki, bunu Böyük Britaniya ordusunun istefada olan polkovniki Riçard Kemp The Telegraph qəzetində yazıb. Müəllif qeyd edir ki, xüsusilə, Kreml sülhməramlı kimi şöhrət qazanmaq və Rusiyanın Yaxın Şərqdə təsirini artırmaq üçün atəşkəsə nail olmaq istəyir.

“Dünyada, xüsusən də Ukraynada bu qədər qan tökülməsinə görə məsuliyyət daşıyan adam indi deyir: “Qan tökülməsini dayandırmaq indi vacibdir””, deyə müəllif qeyd edib.

Onun fikrincə, Putinin münaqişəyə müdaxiləsi heç nəyi dəyişməyəcək, çünki Rusiyanın güclü dünya dövləti kimi reputasiyası Ukraynaya qarşı müharibə nəticəsində ciddi şəkildə zədələnib. Rusiya qoşunları 18 aylıq genişmiqyaslı müharibədən sonra ağır vəziyyətdədir və Ukrayna Silahlı Qüvvələrinin işğal olunmuş Luqansk və Berdyansk aerodromlarına ATACMS raket zərbələri endirməsi Kremli dərindən sarsıdıb.

Kempin sözlərinə görə, Yaxın Şərq ölkələri hazırda Rusiyanı "sönən güc" hesab edirlər. Deməli, Suriyada Putin artıq mövqelərini itirməkdədir. O, qüvvələrinin bir hissəsini yenidən Ukraynaya yerləşdirməli olub.

Ekspert İsrailin HƏMAS-a qarşı müharibəsinin Kremlə qısamüddətli fayda verə biləcəyini izah edib. Lakin Putinin səylərinə baxmayaraq, Qərb İsrailin ətrafında toplaşır və Rusiya onun fonunda kənar kimi görünür.

“Əgər onlar bu böhranı Ukraynada müharibədə qalib gəlmək üçün bir vasitə kimi görürlərsə, deməli, bu, boş bir xəyaldır: yalnız çıxılmaz vəziyyətdə olan bir diktatorun xəyal edə biləcəyi arzudur”, deyə Kemp qeyd edib.

Poliqon.info