Bayden HƏMAS-ın məhv edilməsini müdafiə edib

Poliqon xəbər veruir ki, ABŞ prezidenti Co Bayden CBS jurnalistinin Fələstin HƏMAS hərəkatının məhv edilib-edilməməsi ilə bağlı sualına müsbət cavab verib. ABŞ prezidentinin sözlərinə görə, İsrail ordusunun Amerika hərbçilərinin köməyinə ehtiyacı yoxdur.

“Bəli, mən belə hesab edirəm” deyə Bayden HƏMAS-ın məhv edilib-edilməməsi ilə bağlı suala cavab veri b. “Ancaq Fələstin hakimiyyəti olmalıdır. Fələstin dövlətinin mövcudluğu üçün bizə bir yol lazımdır”, deyə Amerika lideri əlavə edib.

Jurnalistin “İsrailin indi bu yola gedəcəkmi”, sualına cavab olaraq Co Bayden belə cavab verib: “İndi yox. Amma düşünürəm ki, İsrail fələstinlilərin əhəmiyyətli bir hissəsinin HƏMAS və “Hizbullah”ın fikirlərini bölüşmədiyini anlayır”.

ABŞ prezidenti hesab edir ki, İsrailin Qəzza sektorunu işğal etməsi “böyük səhv” olardı. Bayden qeyd edib ki, onun fikrincə, HƏMAS bütün Fələstin xalqını təmsil etmir.

“İsrail “Holokost” kimi ciddi nəticələri olan vəhşilikdə iştirak edən bir qrup insanı təqib edir. Ona görə də hesab edirəm ki, İsrail buna cavab verməlidir”, deyə ABŞ-ın dövlət başçısı əlavə edib.

Amerika liderinin sözlərinə görə, ABŞ hərbçilərinin müharibədə iştirakına ehtiyac yoxdur.

“İsrail dünyanın ən yaxşı ordularından birinə malikdir”, deyə Bayden vurğulayıb.

Prezident etiraf edib ki, İsrailin blokadası altında olan Qəzza zolağının sakinləri üçün humanitar dəhlizlərin açılması ilə bağlı danışıqlar gərgin gedir. CBayden blokada ilə razı olub-olmaması ilə bağlı suala belə cavab verib: “İsrailin müharibə qaydalarına uyğun hərəkət edəcəyinə əminəm”. Bayden əminliyini ifadə edib ki, mülki əhali dərman, yemək və su ala biləcək.

Bundan əlavə, cənab Bayden qeyd edib ki, ABŞ-da İranın HƏMAS-ın İsrailə hücumunda əli olduğuna dair heç bir sübut yoxdur. Bununla belə, Tehran HƏMAS və “Hizibullah” hərəkatlarını daim dəstəkləyir.

İsrail və HƏMAS arasında müharibə oktyabrın 7-dən davam edir. Həmin gün Fələstin hərəkatı yüzlərlə raketlə İsrail ərazisinə hücum edib və bir neçə məskunlaşan məntəqəni ələ keçirib. İsrail daha sonra bu ərazilərə nəzarəti bərpa edib. İndi ölkədə cavab əməliyyatı aparılır: İsrail hakimiyyəti anklavı blokadaya alıb, hərbçilər onun ərazisini atəşə tutur. Quru əməliyyatına hazırlıq gedir.

Poliqon.info