Gürcüstan parlamenti Zurabişvilinin impiçmentini hansı halda dəstəkləyə bilər?

Poliqon xəbər verir ki, bu barədə "Sputnik Georgia" məlumat yayıb.

Onun sözlərinə görə, Konstitusiya Məhkəməsi qərar vermədən prosesin fərqli nəticəsini təsəvvür etmək çətindir.

"Konstitusiya Məhkəməsi nə qədər müxalifətçi və şəxsən prezidentə sadiq olmağınızdan asılı olmayaraq, Konstitusiya pozuntusunun olduğunu təsdiqləsə, impiçmentə səs vermədiyinizi ictimaiyyətə izah etmək çox çətin olacaq. Çünki burda konstitusiyanın pozulması müəyyən edilib və Konstitusiya Məhkəməsinin qərarı əsasdır", deyə Sarjveladze izah edib.

Qeyd edək ki, avqustun 31-də Gürcüstan prezidenti Salome Zurabişvili hökumətin onun səfərlərinə razılıq verməkdən imtina etməsinə baxmayaraq, Avropa ölkələrinə planlaşdırdığı ilk səfərinə başlayıb. Gürcüstan qanunlarına görə, prezident xarici səfərləri yalnız hökumətin təsdiqindən sonra edə bilər. Bundan sonra "Gürcü Arzusu Demokratik Gürcüstan" partiyasının lideri İraklii Kobaxidze Salome Zurabişvilinin hökumət tərəfindən bəyənilməyən Avropa səfərlərinə görə impiçment prosedurunun başlandığını elan edib.

Lakin bir neçə gün sonra "Gürcü Arzusu" fraksiyasının rəhbəri Mamuka Mdinaradze bildirib ki, Gürcüstan parlamenti ölkə prezidenti Salome Zurabişviliyə qarşı impiçment prosedurunu həyata keçirə bilməyəcək, çünki kifayət qədər səs toplamaq mümkün olmayacaq. Onun sözlərinə görə, müxalifət "konstitusiyanı pozan" Zurabişviliyə dəstək olduğunu açıq şəkildə qeyd edib:

"Biz impiçmentin həyata keçirilməsinin mümkün olacağını hesab etmirik. Hesab edirik ki, bu gün 100 səsi səfərbər etmək mümkün deyil. Bu, bizim fərziyyəmiz idi, amma indi sübutlarla təsdiqlənir - hər kəs bunu dəstəkləməyəcəyini deyir. Bir partiyadan başqa praktiki olaraq heç bir siyasi qoşulmayıb. 4 nəfərlik tərkibə malik "Avropa sosialistləri” ilə birlikdə 88 səs toplamaq mümkündür".

Poliqon.info