Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov bildirib ki, onun idarəsinin xüsusi təyinatlıları Zaporojye Atom Elektrik Stansiyasına nəzarəti ələ keçirməyə üç dəfə cəhd ediblər...
Poliqon xəbər verir ki, Budanov bu barədə Ukraynanın NV nəşrinə bildirib. Bütün cəhdlər rus qüvvələri tərəfindən dəf edilib.
İlk hücum 2022-ci ilin avqustunda baş verib. İddia olunur ki, daha sonra xüsusi təyinatlılar stansiyanı ələ keçirmək cəhdi üçün tramplin yaratmaq məqsədi ilə sürətli qayıqlarla Kaxovka su anbarını keçiblər. Lakin sonradan geri çəkilməyə məcbur oldular.
Xüsusi təyinatlılar Atom Elektrik Stansiyasını ələ keçirmək üçün Dnepr çayının sol sahilinə enməyə daha iki cəhd göstərib. Sonuncu dəfə əməliyyatda Beynəlxalq Legionun komandiri Vadim Popik də daxil olmaqla yüzlərlə insan iştirak edib. Yeni zelandiyalılar və digər əcnəbilər də bu əməliyyata cəlb olunub. Budanov qeyd edib ki, Rusiya ağır texnika, o cümlədən tankları sahilə gətirdikdən sonra xüsusi təyinatlılar geri çəkilib.
Poliqon.info