Bu hərbi canilərin əli on minlərlə insanın qanına bulaşıb və yüz minlərlə insanların evlərindən didərgin olmasına səbəb olublar...
Hüquqşünas: “Qarabağdakı separatizmin liderlərinin həbsi Azərbaycan və Ermənistan arasında olan məsələdir. Buna görə də bu məsələnin beynəlxalq səviyyəyə çıxmaq ehtimalı yoxdur”.
“Azərbaycan Roma statusunu ratifikasiya etmədiyi üçün Qarabağdakı separatizmin “liderləri”nin həbsi və cəzası məsələsi beynəlxalq səviyyəyə çıxa bilməz”.
Bu sözləri hüquqşünas Ellada Bayramova Azərbaycanın Qarabağdakı separatizmin liderlərini birlikdə mühakimə olunması üçün beynəlxalq tribunal təşkil edib-etməməsini Poliqon-a şərh edərkən qeyd edib.
Xəbər verdiyimiz kimi, Qarabağdakı separatizmin “liderləri” həbs olunub və Bakıya gətiriliblər. Bilirik ki, bu hərbi canilərin əli on minlərlə insanın qanına bulaşıb və yüz minlərlə insanların evlərindən didərgin olmasına səbəb olub.
Bəs Azərbaycan bu hərbi cinayətkarların birlikdə mühakimə olunması üçün beynəlxalq tribunal təşkil edə bilərmi və bunun hansı hüquqi yolları var?
Mövzunu Poliqon-un əməkdaşı hüquqşünas Ellada Bayramova ilə müzakirə edib.
Ellada Bayramova: “Qarabağda tutularaq Bakıya gətirilən bütün seperatçıların və onların “liderləri”nin məhkəməsi Azərbaycanda olacaq”.
Azərbaycanın özünün həmin hərbi cinayətkarlara layiqli cəzasını verməli olduğunu nəzərə çatdıran hüquqşünas bildirib ki, belə də, olacaq:
“Qarabağdakı separatizmin “liderləri”nin həbsi Azərbaycan və Ermənistan arasında olan məsələdir. Buna görə də bu məsələnin beynəlxalq səviyyəyə çıxmaq ehtimalı yoxdur. Azərbaycanın özü həmin hərbi cinayətkarlara layiqli cəzasını verməlidir və belə də, olacaq.
Eyni zamanda Azərbaycan Roma statusunu ratifikasiya etmədiyi üçün Qarabağdakı separatizmin “liderləri”nin həbsi və cəzası məsələsi beynəlxalq səviyyə çıxa bilməz. Qarabağda tutularaq Bakıya gətirilən bütün seperatçıların və onların “liderləri”nin məhkəməsi Azərbaycanda olacaq. Onlar Azərbaycan qanunlarına uyğun cəza alacaqlar”.
Nərminə UMUDLU
Poliqon.info