Ukrayna Amerika tanklarını vaxtından əvvəl alıb...
Ukrayna Amerikanın “Abrams” tanklarının ilk partiyasını vaxtından əvvəl qəbul edib.
Poliqon xəbər verir ki, bu barədə sentyabrın 25-də The New York Times qəzeti iki məmura istinadən məlumat yayıb.
Mənbələrin sözlərinə görə, tanklar “aylar əvvəl” Ukraynaya təhvil verilib və onlar Ukraynanın əks-hücumunda istifadə oluna bilər. Qalan maşınlar yaxın aylarda Ukraynaya göndəriləcək. Nəşrin həmsöhbətləri Ukrayna Silahlı Qüvvələrinə veriləcək tankların dəqiq sayını açıqlamayıblar.
Qeyd edək ki, Vaşinqton Kiyevə 31 “Abrams” döyüş bölməsi verəcəyini vəd etmişdi. Məlumata görə, ilk partiyaya 10 tank daxil olmalıydı.
Qeyd edək ki, “M1 Abrams” 1980-ci ildən kütləvi istehsalda olan ABŞ-ın əsas döyüş tankıdır. Bu tanklar təkcə ABŞ ordusunda deyil, Misir, Polşa, Avstraliya, Mərakeş və digər ölkələrin Silahlı Qüvvələrində də istifadə olunur. “Abrams” tankları dünyanın ağır tanklardan biridir, onların çəkisi çəkisi 62 tondan artıqdır.
Poliqon.info