BMT-nin Baş katibi: İnsanlıq cəhənnəmin qapılarını açıb

Poliqon bu barədə ABC News telekanalına istinadən xəbər verir.

“Burada diqqətimiz iqlim həllərinə yönəlib və vəzifəmiz təcilidir. Bəşəriyyət cəhənnəmin qapılarını açıb. Dəhşətli istilərin dəhşətli nəticələri var. Yanğınlar tüğyan edir. İqlim dəyişikliyi ilə mübarizə problemin miqyası ilə müqayisədə zəifləyir”, deyə Quterreş çıxışı zamanı bildirib.

BMT-nin Baş katibi xəbərdarlıq edib ki, heç nə dəyişməsə, temperatur 2,8 dərəcə yüksələcək və bu, təhlükəli və qeyri-sabit dünyaya gətirib çıxaracaq.

BMT-nin baş katibi vurğulayıb ki, dünya ictimaiyyəti qalıq yanacaqlarından milyardlar qazananların açıq-aydın hərisliyi ucbatından itirilmiş vaxtı kompensasiya etməlidir:

“Təklif olunan İqlim Həmrəyliyi Paktı ən böyük emissiya edənləri - qalıq yanacaqlarından ən çox faydalananları - emissiyaları azaltmaq üçün daha çox iş görməyə, zəngin ölkələri isə bunun üçün inkişaf etməkdə olan iqtisadiyyatları dəstəkləməyə çağırır”.

Baş katib iqlim dəyişikliyi fəallarına və yerli xalqlara, eləcə də qalıq yanacaqları mərhələli şəkildə ləğv etmək üçün mühüm addımlar atan biznes liderlərinə, bələdiyyə sədrlərinə və hökumətlərə diqqət çəkib və təşəkkür edib.

Poliqon.info