BMT Komissiyası ABŞ-ın may ayında İdlibdə “Əl-Qaidə” liderini deyil, Suriya vətəndaşını öldürdüyünü bildirib...
2023-cü ilin may ayında ABŞ ordusunun Suriyanın İdlib bölgəsinə endirdiyi zərbə zamanı öldürülən şəxs əvvəlcə “Əl-Qaidə” lideri kimi təqdim edilsə də, 60 yaşlı Suriya vətəndaşı olan kişi öldürülüb.
Poliqon xəbər verir ki, bu barədə BMT-nin Suriya Təhqiqat Komissiyasının hesabatında bildirilir.
Hesabatda qeyd edilir ki, mayın 3-də ABŞ Mərkəzi Komandanlığının pilotsuz uçan aparatının İdlibin şimalındakı Quraniyaya endirdiyi zərbə nəticəsində 60 yaşlı mülki vətəndaş həlak olub. ABŞ ordusu əvvəlcə zərbənin “Əl-Qaidə” nin yüksək rütbəli səlahiyyətlisini hədəf aldığını desə də, daha sonra rəsmi təhqiqatın başlandığını bildirib.
“Komissiya ölən şəxsin mülki şəxsdən başqa hər hansı bir şəxs olması və ya döyüş əməliyyatlarında bilavasitə iştirak etməsi ilə bağlı heç bir sübut aşkar etməyib və araşdırmanın nəticələrini gözləyir”, deyə sənəddə deyilir. BMT ekspertləri deyirlər ki, zərbə ya qeyri-adekvat planlaşdırma, ya da hücum zamanı nəzərdə tutulan hədəfin kifayət qədər yoxlanılmaması səbəbindən yanlış hədəfə tuşlanıb.
Poliqon.info