Almaniya kansleri Olaf Şolts ölkəsində nüvə enerjisinə qayıtma ilə bağlı müzakirələrlə münasibət bildirib və artıq nüvə enerjisindən istifadə etməyəcəklərini bildirib...
Poliqon xəbər verir ki, kansler bu barədə “Radio Deutschlandfunk”a danışıb.
Şolts bildirib ki, Almaniya üçün nüvə enerjisi dövrü artıq bitiob: “Almaniyada bundan artıq istifadə edilməyəcək”.
Nüvə enerjisini dayandırma qərarının illər əvvəl verildiyini xatırladan Şolts "Qanunla nüvə enerjisindən istifadə mərhələli şəkildə ləğv edildi. Əgər yeni atom elektrik stansiyaları qurmaq istəsəniz, bu 15 il davam edəcək və hər biri üçün 15-20 milyard avro xərcləməli olacaqsınız", deyib.
Atom elektrik stansiyalarının sökülməsinin sözügedən enerjinin istifadəsinin sona çatması ilə başladığını deyə Şolts bildirib ki, indi külək, günəş, hidroenergetika və biokütlə enerjisinə əsaslanan enerji təchizatı ilə bərpa olunan enerjiləri genişləndirməklə elektrik enerjisinə olan tələbatın 80 faizini və tezliklə ehtiyacın tamamını ödəmək istəyirlər: "Hazırda getdiyimiz yol budur".
Almaniyada müxalifət partiyaları və koalisiya ortağı Azad Demokrat Partiyası (FDP) bir müddətdir ki, nüvə enerjisindən istifadənin davam etdirilməsinə çağırır.
Poliqon.info