Siyəzən rayonunda ölümlə nəticələnən ağır yol-nəqliyyat hadisəsi baş verib...
Sentyabrın 1-də səhər saatlarında Siyəzəndə baş verən yol qəzasında yaralananların kimliyi məlum olub.
Onlar Əmirova Mələkzadə, Əmirov Elvin, Əmirova Siyafət, Əmirli Günel, Abbasov İslam, Əmirli Emil (azyaşlı) Nəzərov Əlövsətdir.
Qəza nəticəsində Əmirov Samit və onun oğlu Əmirov Elnur hadisə yerində ölüblər.
Faktla bağlı araşdirma aparılır.
***
Bu gün səhər saatlarında Siyəzən rayonunda baş verən yol qəzasında yaralananların sayı 7-yə çatıb.
Onlar Siyəzən Müalicə-Diaqnostika Mərkəzinə yerləşdiriliblər.
Hazırda yaralıların şəxsiyyəti dəqiqləşdirilib.
İlkin məlumata görə, qəzaya düşən şəxslər məktəbli formaları almaq üçün Bakı şəhərinə gedirmişlər.
***
Hadisə Bakı-Quba yolunun Siyəzən rayonundan keçən hissəsində (105-ci km-də) qeydə alınıb.
Belə ki, “VAZ-2107” markalı minik avtomobili ilə “Toyota” markalı minik avtomobili toqquşub.
Nəticədə rayonun Böyük Həmyə kənd sakinləri - 1987-ci il təvəllüdlü Samit Bədəl oğlu Əmirov və onun oğlu 2019-cu il təvəllüdlü Elnur Samit oğlu Əmirli dünyasını dəyişib.
Xəsarət alanların isə şəxsiyyəti dəqiqləşdirilir.
Faktla bağlı araşdırma aparılır.(report)
Poliqon.info