ABŞ-ın keçmiş prezidenti Donald Tramp 2021-ci ilin yanvarından bəri ilk dəfə tvit atıb...
Poliqon CNN-ə istinadən xəbər verir ki, Donald Tramp həbsxana şəklini X sosial şəbəkəsində ilk paylaşımında yerləşdirib
ABŞ-ın keçmiş prezidenti Donald Tramp X sosial şəbəkəsində, keçmiş Twitter hesabında paylaşım edib. Bu platformada siyasətçinin paylaşımı 8 yanvar 2021-ci ildən bəri ilk dəfə olaraq ortaya çıxıb.
Sabiq prezident paylaşdığı şəklində mavi kostyum, ağ köynək və qırmızı qalstukdadır. ABŞ-ın 45-ci prezidentinin fotosunu Corciya ştatının Fulton dairə həbsxanasının əməkdaşları çəkib və Tramp bu fotoda qaşbaqlıdır. Qeyd edək ki, əvvəllər heç bir keçmiş Amerika prezidentinin həbsxanada fotosu çəkilməyib.
Şəkilin altında “Heç vaxt təslim olma” və “Seçkilərə müdaxilə” yazıları, həmçinin siyasətçinin internet saytına keçid var.
CNN-in məlumatına görə, Tramp Truth Social-da da paylaşım edərək sosial şəbəkəsini çox sevdiyini və buranın onun evi olduğunu bildirib. Kanal qeyd edir ki, həbsxana sənədlərində Tramp P01135809 nömrəsi altında qeyd olunub.
Xatırladaq ki, avqustun 25-də Tramp Corciya ştatında seçkilərdə qalib gəlmək üçün seçkiyə müdaxilə cəhdində özünü yerli hakimiyyət orqanlarına təslim etmək üçün Atlantaya gedib. O, rəsmi həbs prosedurlarından keçmək üçün Fulton qraflığının həbsxanasına gəlib.
Poliqon.info