COVID-19 pandemiyasının başlamasından sonra sərhədlərini bağlayan Şimali Koreya təxminən 3 ildən sonra xaricə ilk sərnişin təyyarəsi uçuşunu edib...
Poliqon xəbər verir ki, “Flightradar24” uçuş izləmə saytının məlumatına görə, milli aviaşirkət “Air Koryo”nun Şimali Koreyanın paytaxtı Pxenyandan havaya qalxan “JS151” reysi Çinin paytaxtı Pekinə enib.
Uçuş COVID-19 pandemiyasının başladığı 2020-ci ilin əvvəlindən Şimali Koreyadan ilk beynəlxalq sərnişin reysi olub. Pxenyan administrasiyası pandemiya səbəbilə sərhədlərini bağlayarkən sərnişin reyslərini dayandırmışdı.
“Air Koryo”nun dünən planlaşdırılan Pxenyan-Pekin reysi naməlum səbəblərdən təxirə salınmışdı.
Keçən ay paytaxt Pxenyandan keçirilən hərbi mərasimə Çin və Rusiya rəsmiləri qatılıb. Bu, pandemiya başlayandan bəri ölkəyə səfər edən ilk xarici nümayəndə heyətləri olub.
Digər tərəfdən, ötən həftə Şimali Koreyanın taekvondo üzrə milli komandasının idmançıları Qazaxıstanda keçirilən dünya çempionatında iştirak etmək üçün bu ölkəyə qatarla getmək üçün quru yolu ilə Pekinə hərəkət ediblər.
NK News nəşri xəbər verir ki, “Air Koryo” avqustun 25 və 28-də Pxenyandan Rusiyanın Vladivostok şəhərinə iki sərnişin reysi planlaşdırır.
Poliqon.info
Digərxəbərlər
Populyar xəbərlər
