Fransa öz ampluasında: Nigerə hərbi müdaxilə qaçılmazdır

"Report" xəbər verir ki, avqustun 19-da ölkədəki vəziyyətin nizamlanmasında vasitəçilik niyyəti ilə Nigerə gələn ECOWAS nümayəndə heyəti danışıqların nəticəsiz qaldığını bildirərək ertəsi gün ölkəni tərk edib.

Nəzərə alsaq ki, səfərdən əvvəl ECOWAS Baş Qərargah rəhbərləri sülh yolu ilə razılaşmaq mümkün olmadıqda Nigerə hərbi təcavüzə başlamaq barədə razılığa gəliblər. Nigerə səfərin nəticələri bu qərarın icrasını demək olar ki, qaçılmaz edir.

“Nigerə hərbi müdaxilənin qaçılmaz hala gəldiyi bir vaxtda Əlcəzair bu qonşu qardaş ölkədə zorakılığın tətbiqi seçildiyinə görə dərin təəssüf hissi keçirir”, - Əlcəzair Xarici İşlər Nazirliyinin bəyanatında deyilir.

Lakin bütün ölkələr mövcud vəziyyətdən o qədər də narahat deyil. Məsələn, Nigerdə tarixən öz maraqları olan Fransa yalnız hərbi müdaxilədən faydalanacaq və bu dəfə əlini afrikalıların qanına bulaşdırmaq məcburiyyətində qalmayacaq - ECOWAS bunun onun əvəzinə edəcək.

Nigerdəki üsyanın əvvəlində Fransa təhdid etməyə başladı ki, maraqlarının pozulmasına imkan verməyəcək. İlk növbədə, söhbət Fransanın atom elektrik stansiyalarına verilən urandan gedir.

Fransanın əsas problemi onun praktiki olaraq heç bir uran ehtiyatının olmamasıdır. Hazırda Fransanın müstəmləkəsi olan Niger bu xammalın ən böyük yataqlarından birinə malikdir: o, dünyada uran istehsalına görə yeddinci, Afrikada isə Namibiyadan sonra ikincidir.

Müstəmləkə rejiminin süqutuna baxmayaraq, Fransa indi devrilmiş hökumətlə əməkdaşlıq edərək Nigerdə nüvə xammalının çıxarılması hüququnu saxladı. Fransada bütün elektrik enerjisinin demək olar ki, 75%-i Afrikada hasil edilən xammalla işləyən atom elektrik stansiyaları tərəfindən təmin edilir.

Dövlət çevrilişi və uran ehtiyatlarının mümkün itkisi Fransanı vəziyyətdən çıxış yolu, o cümlədən köhnə rejimin qaytarılması imkanları axtarmağa vadar edir.

Bundan əlavə, Fransa ordusunu Nigerdən çıxarmaq fikrində olmadığını bildirib.

“Fransız əsgərlərinin Nigeri tərk etməsi də gündəmdə deyil. Beynəlxalq ictimaiyyətin bütün səyləri xuntanı Niger və region üçün zərərli olan təhlükəli avantürasından əl çəkməyə məcbur etmək məqsədi daşıyır” , - Fransanın xarici işlər naziri Ketrin Kolonna bildirib.

Beləliklə, bu gün Fransa öz maraqlarına uyğun olaraq Afrika ölkələrinə nəzarət siyasətini davam etdirir.

Poliqon.info