Hanter Baydenin qızı ilə yazışmalarından məlum olub ki, o, Rusiya və Qazaxıstan iş adamlarından aldığı pulun yarısını atasına verib...
Senator Coş Houlinin ictimaiyyətlə əlaqələr üzrə direktoru Ebigeyl Maron ABŞ prezidenti Co Baydenin oğlu Hanterin yazışmalarını dərc edib. Yazışmalara əsasən Hanter qazandığı pulun yarısını atasına yollayıb.
Poliqon xəbər verir ki, bu barədə Fox News telekanalı məlumat yayıb. Söhbət Hanterin 2019-cu ildə qızı Naomiylə yazışmalarından gedir və yazışmaların aparıldığı noutbuk hazırda FTB-nin əlindədir.
Qeyd edək ki, bir gün əvvəl Hanter atası Co Baydenin Barak Obama administrasiyasında vitse-prezident vəzifəsində çalışdığı bir vaxtda Rusiya və Qazaxıstan iş adamlarından pul almaqda ittiham olunub. Bundan sonra Demokratlar Partiyasının bir çox nümayəndələri, o cümlədən Amerika liderinin özü bunu inkar ediblər. Demokratlar sübut etməyə başlayıblar ki, hazırkı prezidentin Rusiya və Qazaxıstan iş adamlarından birbaşa pul alması faktı sübuta yetirilməyib.
2019-cu ildə Hanter Baydenin noutbuku FTB-nin əlinə keçib. Onu ora təmir sexinin işçisi gətirib. Prezidentin oğlu təmirə verdiyi noutbukunu geri götürməyib. Noutbukun sərt diskində qalmaqallı fotolar, eləcə də yazışmalar olduğu üzə çıxıb.
Poliqon.info