Zelenskidən xəbərdarlıq: Rusiyanın Qara dənizdə gəmiləri qalmaya bilər...

Zelenski Rusiyaya xəbərdarlıq edib ki, Rusiya qüvvələri Ukrayna limanlarına hücumu davam etdirsə, gəmisiz qala bilər.

Poliqon Reuters Agentliyinə istinadən xəbər verir ki, bu barədə Ukrayna prezidenti Argentinanın La Nacion nəşrinə danışıb. O, qeyd edib ki, Ukraynanın “çox silahı yoxdur, lakin ruslar limalnlara atəş açmağa davam etsələr, münaqişənin sonuna kimi Rusiya Qara dənizdəki hərbi donanmasını itirə bilər”.

Zelenski xəbərdarlıq edib ki, Ukrayna Rusiyanın Qara dənizdəki hərəkətlərinə cavab verəcək.

Ukrayna prezidenti La Nacion-a müsahibəsində bildirib ki, Rusiya Qara dəniz akvatoriyasını və “taxıl müqaviləsi”ni bloklamağa davam edərsə, hərbi əməliyyatların sonuna kimi Qara dənizdə heç bir rus hərbi gəmisi qalmaya bilər.

“Əgər blokada davam edəcəksə, o zaman Ukrayna öz sularının blokadasına son qoymağın bir yolunu tapmalıdır”, deyə Ukrayna prezidenti əlavə edib.

Poliqon.info