Səudiyyə Ərəbistanının Ciddə şəhərində Ukrayna ilə bağlısülh sammitində prezident Zelenskinin sülh düsturunu müzakirə edəcəyi və bu il bu təkliflərlə bağlı qlobal sammitə ev sahibliyi edəcəyi gözlənilir...
Poliqon xəbər verir ki, bu barədə Bloomberg Agentliyinin məlumatında bildirilir. Agentlik qeyd edir ki, “Zelenskinin sülh formulu”na 10 bənd daxildir.
Bura Rusiya qoşunlarının Ukrayna ərazisindən tamamilə çıxarılması, bütün hərbi əsirlərin və deportasiya edilənlərin azad edilməsi, ərzaq və enerji təhlükəsizliyinin təmin edilməsi, o cümlədən Ukraynanın təhlükəsizliyinə zəmanət və Zaporojye Atom Elektrik Stansiyasının ətrafında nizamın bərpası ilə bağlı bəndlər var.
Bloomberg qeyd edir ki, sammit iştirakçılarının yekun siyahısı hələ təsdiqlənməyib və bu siyahı dəyişə bilər. Ukrayna Prezident Aparatının rəhbəri Andrey Yermak bildirib ki, Kiyev layihəni 50-dən çox ölkə ilə müzakirə edir. Sammitdə Türkiyə, Hindistan və Braziliya da iştirak edəcək.
Xəbərdə qeyd edilir ki, Pekin və digər ölkələr də öz təşəbbüslərini irəli sürürlər. Rusiya isə Ukraynada sülh müzakirələrinə dəvət edilməyəcək. Bloomberg qeyd edir ki, Putin indiyədək ciddi danışıqlara az maraq göstərib.
Agentlik yazır ki, Ukrayna ilin sonuna qədər “sülh formulunu” bağlı 50-yə qədər aparıcı ölkə ilə razılaşmağa ümid edir.
Poliqon.info