Yanvar-iyun aylarında Çinin iqtisadi artım tempi 5,5% təşkil edib. Altı ay ərzində Çin ÜDM-nin həcmi 59,3 trilyon yuana çatıb...
Poliqon xarici mətbuata əsasən xəbər verir ki, bu barədə Çin Xalq Respublikasının Dövlət Statistika Bürosunun məlumatında bildirilib.
Departamentin mətbuat xidmətindən verilən məlumata görə, bu dövrdə ÇXR-in kənd təsərrüfatı sektoru 3,7% artaraq 3,04 trilyon yuana, sənaye 4,3% artaraq 23,06 trilyon yuana, xidmət sektoru 6,4% artaraq 33,19 trilyon yuana çatıb. İkinci rübdə Çində ÜDM-nin artım tempi 6,3% təşkil edib ki, bu da birinci (4,5%) ilə müqayisədə 1,8 faiz bəndi çoxdur.
Qeyd edək ki, 2022-ci ildə Çində ÜDM artımı 3%-ə qədər azalmışdı. İyun ayında Goldman Sachs analitikləri 2023 və 2024-cü illərdə Çin iqtisadiyyatı üçün artım proqnozunu müvafiq olaraq 6%-dən 5,4%-ə və 4,6%-dən 4,5%-ə endiriblər. Focus Economics, Çinin 2034-cü ilə qədər nominal ÜDM-ə görə ABŞ-ı keçə biləcəyini proqnozlaşdırır.
Poliqon.info
Digərxəbərlər
Populyar xəbərlər
