Rus ordusu Baxmut ətrafından geri çəkilib...

Rusiya ordusu Baxmutun cənubundakı Kleşeevka qəsəbəsindən geri çəkilib.

Poliqon xəbər verir ki, bu barədə “Rossiya 1” telekanalının hərbi müxbiri Aleksandr Sladkov bildirib. Həmçinin Ukrayna Silahlı Qüvvələrinin Baş Qərargahı ərazidəki uğurları barədə məlumat verib.

“Kleşçeevkadan ayrıldıq. Baxmutun yaxınlığındadır. Yoxlamaq lazımdır, təkzib edilsə sevinərəm. Əgər belədirsə, bu çox pisdir. Baxmut Ukrayna Silahlı Qüvvələrinin atəşi altındadır”, deyə Sladkov yazıb. O, əlavə edib ki, hazırda Baxmut hücum təhlükəsi altındadır.

Hərbi yurnalist Boris Rojinin istinad etdiyi “ Troyka” və “Z4” telegram kanalları isə rus ordusunun Kleşeevkadan geri çəkilməsini inkar edir.

Ukrayna Silahlı Qüvvələrinin Baş Qərargahı çərşənbə günü səhər saatlarında Kleşeevka məntəqəsindəki uğurlar barədə məlumat verib. Baş Qərargahın sözçüsü Andrey Kovalev bildirib ki, Ukrayna Silahlı Qüvvələri qəzəsəbə ərazisində əldə olunan xətlər üzrə cəmləşib. Kiyev nəzarət altındakı qəsəbənin tam ələ keçirildiyini təsdiqləməyib.

Rusiya Müdafiə Nazirliyi bir gün əvvəl Ukrayna Silahlı Qüvvələrinin Kleşeevkaməntəqəsində hücumlarını uğurla dəf etdiyini bəyan edib.

Qey edək ki, Kleşeevka qəsəbəsi Baxmutdan təxminən 5 km cənubda yerləşir. Rusiya qüvvələri bu ilin yanvarında kəndi ələ keçirib.

Rusiyayönlü kanallar bildirirlər ki, Ukrayna Silahlı Qüvvələri Zaporojye vilayətinin Orexov bölgəsində və Donetsk və Zaporojye vilayətləri ilə sərhəddə Priyutnoye və Staromayorski bölgələrində irəliləməyə davam edir. Rusiya kanalları və Ukrayna Baş Qərargahının məlumatına görə, Rusiya ordusu Donetsk vilayətinin Marinka bölgəsində irəliləməyə çalışır. Rusiya Müdafiə Nazirliyinə yaxın “Rıbar” tekegram kanalının məlumatına görə, son həftələrdə tərəflərdən heç biri şəhərdə cəbhə xəttində dəyişikliyə nail ola bilməyib.

Poliqon.info