Van İ ABŞ-dan “Çin təhdid nəzəriyyəsi”ni şişirtməməyi, ölkənin elmi və texnoloji inkişafına təzyiqi dayandırmağı tələb edib...
“ABŞ “Çin təhlükəsi” nəzəriyyəsini şişirtməyi və Çinin daxili işlərinə qarışmağı dayandırmalıdır”.
Poliqon xəbər verir ki, bunu Çin Kommunist Partiyası Mərkəzi Komitəsinin Xarici Əlaqələr Komissiyasının ofisinin rəhbəri Van İ ABŞ dövlət katibi Entoni Blinkenlə görüşündə bildirib.
Van İ ABŞ-dan “Çin təhdid nəzəriyyəsi”ni şişirtməməyi, ölkənin elmi və texnoloji inkişafına təzyiqi dayandırmağı, Pekinə qarşı “qeyri-qanuni birtərəfli sanksiyalar”ı ləğv etməyi və ölkənin daxili işlərinə müdaxilə etməməyi tələb edib.
Qeyd edək ki, Blinken iyunun 18-19-da Pekində səfərdədir. İyunun 18-də o, Çinin xarici işlər naziri Tsin Qanla danışıqlar aparıb. Bu, ABŞ dövlət katibinin son beş ildə Çinə ilk səfəridir və Tayvan, ABŞ üzərində Çin şarının vurulması və davam edən bir sıra məsələlərə görə Pekin və Vaşinqton arasında münasibətlərin əhəmiyyətli dərəcədə pisləşməsi fonunda baş verir.
Poliqon.info