Rusiya ilə əlaqəli hakerlər Avropa banklarını kiberhücumla hədələyir

Poliqon xəbər verir ki, bu barədə RTL Niews nəşri məlumat yayıb.

Söhbət “Anonymous Sudana”, “Revil” və “Killnet” qruplarından gedir. Onların bəyanatında deyilir ki, hücum Qərbin Ukraynaya dəstəyinə cavab olaraq həyata keçirilir. “Pul yoxdursa, silah yoxdursa, Kiyev rejimi də yoxdur”, deyə haker qrupları bildirir.

Niderlandın kibertəhlükəsizlik şirkəti “Computest” təhlükəni real adlandırıb, lakin hakerlərin hücumu həyata keçirib-keçirə biləcəklərini bilmir. Digər kibertəhlükəsizlik şirkəti “FalconFeeds” şirkəti SWIFT bank sisteminin hakerlərin hədəfi ola biləcəyini etiraf edib. Portalın aydınlaşdırdığı kimi, maliyyə sistemi SWIFT-in uzunmüddətli pozulması səbəbindən ciddi zərər dəyə bilər, çünki bu sistem “müəyyən məlumatları mərkəzdən idarə edir”.

Yanvar ayında “Killnet” hakerləri Niderlandda xəstəxanaya kiberhücum etməkdə ittiham olunub. Hücum edənlər “Ukraynada nasistləri dəstəkləmək üçün tibb müəssisələrini dağıddıqlarını” bildiriblər. Fevral ayında “Killnet” hakerləri Amerikanın Almaniyadakı Ramstein hərbi bazasının vebsaytının sındırıldığını elan etmişdilər. NATO-nun bir neçə saytı da sındırılıb.

Poliqon.info