Rusiya Ukraynaya danışıqlar təklif edir... - Atəşkəsin əldə edilməsi mümkündür?

Hərbi-ekspert: “İndiki vəziyyətdə Kremlin sözçüsü Dmitri Peskovun Rusiyanın Ukrayna ilə danışıqlara hazır olması barədə açıqlamaları heç bir real əsaslara söykənmir”.

“Kaxovkada törədilən insanlıq əleyhinə cinayətlərdən sonra Rusiyanın Ukrayna ilə danışıqlara getməsi barədə bəyanatlar verməsi sadəcə olaraq beynəlxalq ictimaiyyətdə Moskvanı daha xoş niyyətli mövqe tutan bir tərəf kimi təqdim etmək məqsədi daşıyır”.

Bu sözləri hərbi-ekspert Ədalət Verdiyev Rusiyanın Ukraynaya etdiyi danışıqlar təklifini Poliqon-a şərh edərkən qeyd edib.

Ukraynanın əks-hücuma başladığı indiki məqamda Kremlin sözçüsü Dmitri Peskovun və digər Rusiya rəsmilərinin Rusiya Prezidentinin Ukrayna ilə danışıqlara hazır olması ilə bağlı açıqlama verməsi təsadüfdirmi? Putinin şərtləri ilə danışıqların başlanılması və atəşkəsin əldə edilməsi mümkün görünürmü?

Mövzunu Poliqon-un əməkdaşı hərbi-ekspert Ədalət Verdiyev ilə müzakirə edib.

Ədalət Verdiyev: “Rusiya və Ukrayna arasında belə bir danışıqlar gözlənilmir”.

İndiki vəziyyətdə Rusiya ilə Ukrayna arasında atəşkəsin mümkün görünmədiyini düşünən ekspert Poliqon-a bildirib ki, hətta, danışıqlar masasına tərəflərin oturması belə mümkünsüzdür:

“İndiki vəziyyətdə Kremlin sözçüsü Dmitri Peskovun Rusiyanın Ukrayna ilə danışıqlara hazır olması barədə açıqlamaları heç bir real əsaslara söykənmir. Rusiya və Ukrayna arasında belə bir danışıqlar gözlənilmir.

Kaxovkada törədilən insanlıq əleyhinə cinayətlərdən sonra Rusiyanın Ukrayna ilə danışıqlara getməsi barədə bəyanatlar verməsi sadəcə olaraq beynəlxalq ictimaiyyətdə Moskvanı daha xoş niyyətli mövqe tutan bir tərəf kimi təqdim etmək məqsədi daşıyır.

İndiki vəziyyətdə Rusiya ilə Ukrayna arasında atəşkəs mümkün görünmür. Hətta, danışıqlar masasına tərəflərin oturması belə mümkünsüzdür”.

Nərminə UMUDLU
Poliqon.info