Bundan sonra hesabın kənar şəxslərə paylaşılması üçün əlavə ödəniş tələb olunacaq...
Netflix artıq ailənin üzvü olmayan insanlarla pulsuz hesab paylaşmağa icazə vermir.
Poliqon xəbər verir ki, bu barədə “RİA Novosti” Agentliyi şirkətin mətbuat xidmətinə istinadən məlumat yayıb.
“Netflix hesabı bir ev təsərrüfatı tərəfindən istifadə olunmaq üçün nəzərdə tutulub. Ailənin hər bir üzvü olduğu yerdə - evdə, yolda, tətildə - Netflix-dən zövq ala bilər və profilin ötürülməsi, giriş və cihazın idarə edilməsi kimi yeni funksiyalardan yararlana bilər”, deyə məlumatda deyilir.
Bununla belə, ailədən kənar şəxslə hesab paylaşmaq imkanı qalır, lakin bundan sonra müştəri bunun üçün ayda əlavə 7,99 dollar ödəməli olacaq. Bir istifadəçi üçün standart qiymət isə ayda 15,49 dollara başa gəlir.
Qeyd edək ki, Netflix 1997-ci ildə yaradılıb və baş ofisi Los Gatos, Kaliforniyada yerləşir. 2013-cü ildən etibarən o, öz filmləri, serialları və televiziya proqramları hazırlayır.
Poliqon.info