Bu, son iki gündə Rusiya neft bazalarında baş verən üçüncü insidentdir...
Rostov vilayətində Novoşaxtinsk neft məhsulları emalı zavoduna partlayış baş verib, xəsarət alan olmayıb.
Poliqon xəbər verir ki, bu barədə Telegram kanalında Rostov vilayətinin qubernatoru Vasili Qolubev məlumat verib.
“Bu gecə Krasnosulinski rayonunun Kiselevka kəndi yaxınlığında, Novoşaxtinsk neft məhsulları zavodunda pilotsuz uçuş aparatı zavodun tikilməkdə olan sexlərarası estakadanın konstruksiyalarına çırpılıb, sonra partlayıb”, deyə qubarnator yazıb.
Qubarnator qeyd edib ki, yanğın müəssisənin işçiləri tərəfindən tez bir zamanda söndürülüb. Hadisə nəticəsində xəsarət alan olmayıb, tikililərə cüzi ziyan dəyib.
Xatırladaq ki, bu, Rusiyanın neft bazalarında iki gündə baş verən üçüncü insidentdir. Mayın 3-nə keçən gecə Tamanski kənd yaşayış məntəqəsində pilotsuz təyyarənin hücumu nəticəsində 1200 kvadratmetr sahədə neft məhsulları olan çənlər yanıb.
Mayın 4-nə keçən gecə Krasnodar diyarındakı İlski neft emalı zavodunda neft məhsulları olan çənlər 400 kvadratmetr sahədə yanıb.
Poliqon.info