Poliqon xəbər verir ki, prezident bu barədə Finlandiya lideri Sauli Niinisto ilə keçirdiyi mətbuat konfransında deyib.
Finlandiyanın Ukraynaya öz döyüş təyyarələrini verməyə hazır olub-olmadığı ilə bağlı jurnalistlərin suallarını cavablandıran Niinisto qeyd edib ki, ölkəsində F-16 təyyarələri yoxdur, lakin “Hornet” döyüş təyyarələri var. Amma onlar “çox köhnədir və sayı çox deyil".
“Finlandiyanın mövqeyi coğrafi baxımdan bir çox Avropa və NATO ölkələrindən çox fərqlidir. Biz hazırda köhnəlmiş "Hornet"i F-35 ilə əvəz edirik. Və bu, bizim kimi bir ölkə üçün çox böyük alış həcmidir”, deyə prezident bildirib.
Eyni zamanda, Finlandiya prezidenti əlavə edib ki, ölkəsi yeni təyyarələr almadan öz “Hornet”lərini Ukraynaya verə bilməz və o vaxta qədər “Hornet”lər yararsız hala düşəcək: “Ancaq sizin təyyarələrinizi bəyənirik... "Bizim onlara ehtiyacımız var ehtiyacımız var".
Volodimir Zelenski isə bildirib ki, döyüş meydanında əldə edilən uğurlardan sonra Ukrayna uzaq mənzilli artilleriya və digər silahlar ala bilib.
“Və buna görə də əminəm ki, bizim təyyarələrimiz olacaq. Çünki tezliklə bizim hücumumuz olacaq. Ondan sonra isə əminəm ki, bizə təyyarələr veriləcək. Kaş ki, əksinə olsaydı, çünki belə bizim üçün daha asan olardı”.
Poliqon.info
Digərxəbərlər
Populyar xəbərlər
