Kremllə dialoq Rusiyanı cilovlamaq üçün yeganə vasitəyə çevrilməməlidir. Çünki təcrübə göstərir ki, Moskva ilə dialoq divarla danışmaq kimidir...
Poliqon xəbər verir ki, bu barədə Polşa, Çexiya və Slovakiya baş nazirlərinin “Foreign Affairs” nəşri tərəfindən dərc olunmuş birgə məqaləsində deyilir.
Mateuş Moravetski, Piotr Fiala və Eduard Geger qeyd edib ki, Qərb illərdir Rusiya ilə dinc dialoq aparmağa çalışır, öz fikirlərini Moskvaya təqdim edir və fikir ayrılıqlarını müzakirə etməyi təklif edir. Lakin bu, heç bir praktiki nəticə verməyib və daha çox divarla söhbətə bənzəyir.
“Mövqeyimizin əsasını çəkindirmə və güc təşkil etməlidir: Dialoq qətiyyəti ifadə etmək və gərginliyi həll etmək vasitəsi kimi xidmət edə bilər, lakin özlüyündə məqsəd kimi qəbul edilməməlidir”, deyə bəyanatda bildirilir.
Baş nazirlər vurğulayırlar ki, Rusiyanı cilovlamaq siyasəti Qərbin hərbi gücə, sərt sanksiyalara, Rusiya Federasiyasının təcridinə və Transatlantik birliyə əsaslanan ümumi strategiyasına əsaslanmalıdır.
Poliqon.info