Danilovun sözlərinə görə, Putin “qorxaq adamdır” və onun cəbhə xəttinə bu qədər yaxınlaşması sadəcə mümkün deyil...
Ukrayna Milli Təhlükəsizlik və Müdafiə Şurasının katibi Aleksiy Danilov əmindir ki, Xerson və Luqansk vilayətlərinin müvəqqəti işğal olunmuş ərazilərinə səfər edən Rusiya diktatoru Vladimir Putin deyil, onun dublyoru olub.
Poliqon xəbər verir ki, Danilov bunu milli xəbər telemarafonunun efirində deyib.
“Əvvəla, Putin orada olmayıb. Bu, məlum məsələdir. Əsl Putinlə ünsiyyət qurmaq üçün ən azı 10-14 gün karantində qalmalısan. Orada Putin yox idi. Bu onun bir neçə dublyorlarından biri idi”, deyə Milli Təhlükəsizlik və Müdafiə Şurasının katibi bildirib.
Danilovun sözlərinə görə, Putin “qorxaq adamdır” və onun cəbhə xəttinə bu qədər yaxınlaşması sadəcə mümkün deyil.
Milli Təhlükəsizlik və Müdafiə Şurasının katibi əcnəbi qonaqların Rusiya prezidentindən çox uzaqda masa arxasında necə oturduğunu xatırladıb və Putinin səfərləri zamanı insanlara bu qədər yaxın təmada olmasını heç də inandırıcı olmadığını deyib.
“Bu, istənilən vaxt cəbhə xəttinə baş çəkə və birbaşa hərbçilərimizin yanında ola bilən prezidentimizin tam əksidir. Bu bizim fərqimizdir”, deyə Danilov fikrini yekunlaşdırıb.
Xatırladaq ki, aprelin 18-də Kreml bildirib ki, Putin Xerson istiqamətində Dnepr və Luqansk vilayətindəki “Vostok” qoşun birləşmələrinin baş qərargahlarına baş çəkib. Jurnalistlər Putinin səfər tarixində uyğunsuzluqlar aşkar ediblər.
Poliqon.info
Digərxəbərlər
Populyar xəbərlər
