Öz növbəsində məscid tikintisinə etiraz edən rusları qorxaq və təxribatçı adlandırıb...
Sosial şəbəkələrdə silahlı şəxslərin Moskva sakinlərini müharibə ilə hədələmısi ilə bağlı video peyda olub. İddialara görə, “Kadırovçu”ların belə qəzəblənmələrinə səbəb moskvalıların məscidin tikintisinə etirazlar etmələri olub.
“Biz sizi xəbərdar edirik! Əgər siz Uca Allahın iradəsinə qarşı olsanız, biz də sizinlə döyüşəcəyik. Bizim üçün fərqi yoxdur kimə qarşı savaşırıq”, deyə “Kadırovçu”lar ön cəbhədən moskvalılara xəbərdarlıq ediblər.
“Kadırovçu”nun sözlərinə görə, məscidin tikintisi ilə razılaşmayan moskvalılar Rusiyada etnik ədavəti qızışdırırlar və buna görə də onlar ya həbs edilməlidir.
Öz növbəsində Çeçenistan rəhbəri Ramzan Kadırov da öz Telegram kanalında aprelin 3-də Moskvada məscid tikintisinə qarşı keçirilən etiraz aksiyalarına münasibət bildirib. O, məscid tikintisinə etiraz edən rusları qorxaq və təxribatçı adlandırıb.
“Əgər bütün bu mitinq iştirakçıları ürəkdən rus torpaqlarına sadiqdirlərsə, o zaman pulemyotla səngərlərə doğru irəli!”, deyə Kadırov mesajda qeyd edib.
Çeçen liderinin fikrincə, “rus torpağı”nın müdafiəçiləri silahları götürüb Ukraynaya döyüşə getməlidirlər.
Poliqon.info