ABŞ-ın bir neçə ştatında tüğyan edən və tornado ilə müşayiət olunan fırtına nəticəsində ölənlərin sayı 26-ya çatıb.
"Report" xəbər verir ki, bu barədə “Associated Press” (AP) məlumat yayıb.
Məlumata görə, 8 ştatı bürümüş təbii fəlakət nəticəsində yaşayış binaları, bir sıra infrastruktur obyektləri, o cümlədən məktəb, kilsə və teatr dağılıb.
Ən çox ölənlər Arkanzas, İndiana və Tennessi ştatlarında qeydə alınıb.
Daha əvvəl CNN təbii fəlakət qurbanlarının 22 olduğunu bildirib.
***
ABŞ-nin şərq ştatlarını vuran tornadolar nəticəsində azı 22 nəfər həlak olub. Rəsmilər zərərin aradan qaldırılması üçün bölgədə fövqəladə vəziyyət elan ediblər.
“Report” xəbər verir ki, bu barədə CNN telekanalı məlumat yayıb.
Tennessi ştatının Makneyri dairəsinin fövqəladə hallar idarəsinin rəhbəri Allen Striklend bildirib ki, dairədə baş verən təbii fəlakət sonucunda 7 nəfər həlak olub. Delaver ştatının Sasseks dairəsinin Fövqəladə Əməliyyatlar Mərkəzinin məlumatına görə, fırtına nəticəsində binanın uçması bir nəfərin həyatına son qoyub.
İndiana ştatın polis serjantı Mett Eyms bildirib ki, ştatda fırtınada üç nəfər həlak olub. Alabama ştatının Madison dairəsində bir nəfər ölüb, beş nəfər yaralanıb. Missisipi Fövqəladə Halların İdarə Olunması Agentliyinin məlumatına görə, Pontotok dairəsində bir nəfər ölüb, dörd nəfər yaralanıb.
Poliqon.info
Digərxəbərlər
Populyar xəbərlər
