Çeçenistan başçısının katiblik rəhbərinin müavini Xutmat Kadırova Ramzan Kadırovun tapşırığına əsasən yeni təyinat alıb…
Poliqon.info xəbər verir ki, bu barədə Regional hökumət sədrinin müavini Adam öz telegram kanalında məlumat verib. Alxanov qeyd edib ki, Çeçenistan rəhbərinin 20 yaşlı qızı bundan sonra respublikanın səhiyyə sisteminə nəzarət edəcək.
“Respublika başçısının tapşırığı ilə bundan sonra Çeçen Respublikasının səhiyyə sisteminə Xutmat Ramzanovna rəhbərlik edəcək. Biz görürük ki, onun rəhbərliyi altında Reabilitasiya Xidməti keyfiyyətcə yeni səviyyəyə yüksəlib. İndi Xutmat Kadırovanın bilik və təcrübəsi bütün tibb sahəsinin inkişafına kömək edəcək”, deyəAlxanov yazıb.
Çeçenistan hökuməti sədrinin müavininin bildirdiyinə görə, regional hakimiyyət səhiyyəni səmərəli inkişaf etdirmək üçün işlərini davam etdirəcək. Alxanov həmçinin əlavə edib ki, Xutmat Kadırovanın kuratorluğu altında səhiyyə sahəsini böyük uğurlar gözləyir.
Poliqon.info