Kreml, qarşılığında Qərb ölkələrinin Ukraynanı uzaqmənzilli raketlərlə təmin edəcəyindən ehtiyat etdiyi üçün indiyədək İrandan ballistik raketlər almaqdan çəkinib...
Poliqon.info xəbər verir ki, bu barədə Financial Times Qərb rəsmilərinin təxminlərinə istinadən yazıb.
Nəşr bildirir ki, Tehran Moskva ilə hərbi əməkdaşlığı genişləndirməyə açıqdır, lakin Rusiya hakimiyyəti indiyədək İrandan uzaq mənzilli səsdən sürətli raketləri almaqdan çəkinib. Onların fikrincə, raketlərin müqabilində İran müasir Rusiya silahları ala bilərdi, lakin danışıqlar qismən dalana dirənib, çünki hər iki tərəf belə bir razılaşmanın potensial nəticələrindən ehtiyat edir.
Qəzet hesablamalara istinadən yazır ki, bu qərara təsir edən mühüm amillərdən biri ABŞ-ın Kiyevə təxminən 300 kilometr mənzilli, Rusiyanın dərinliklərindəki hədəfləri vura bilən ATACMS (Taktiki Raket Sistemi) raketləri ilə təmin etmək təhlükəsi olub.
Qərb ölkələri də Rusiya ilə əməkdaşlığın nəticələri barədə İrana xəbərdarlıq edib. tərəfindən sitat gətirdi:
“Biz İrana Rusiyanın Ukraynadakı hücumlarına və müharibəsinə maddi dəstək verməsi təhlükəsi barədə siqnallar göndərməyə davam edəcəyik”, deyə FT ABŞ-ın NATO-dakı səfiri Culian Smitdən sitat gətirib.
Böhran Qrupunun analitik mərkəzinin İran üzrə eksperti Əli Vaez də Qərb ölkələrindən gələn təhdidlərin danışıqların gedişinə təsir edə biləcəyini düşünür: “Avropalılar onlara nəticələrinin çox ciddi olacağını söylədilər. ABŞ da qırmızı xəttini çəkdi,” deyə Vaez bildirib.
Eyni zamanda, özünün dəqiq idarə olunan mərmilərinin çatışmazlığı və istehsalın azalması Rusiyanı İrandan sursat almağı müzakirə etməyə sövq edə bilər, deyə mənbələr qeyd edib.
Hərbi analitiklərin fikrincə, Qərbin İrana qarşı ictimai xəbərdarlıqları məhdud təsir göstərəcək, çünki İran artıq sanksiyalar altındadır, deyə FT yazır. Qəzet qeyd edir ki, Moskva ilə Tehran arasında əməkdaşlığın genişləndirilməsi perspektivlərini Rusiyanın yüksək rütbəli rəsmilərinin İslam Respublikasına çoxsaylı səfərləri də sübut edir.
Qeyd edək ki, Kiyev, Qərb ölkələri və hərbi analitiklərin fikrincə, Rusiya sentyabr ayından Ukraynaya qarşı İranın pilotsuz təyyarələrini, o cümlədən kritik infrastruktura hücumlar üçün istifadə edir. Moskva İran silahlarından istifadəni təkzib edib.
Xatırladaq ki, Qərb mediası payızda yazmışdı ki, İran Rusiyaya müvafiq olaraq 500 km və 700 km mənzilli “Fateh-313” və “Zülfiqar raketləri” verə bilər.
Dekabrın əvvəlində NBC telekanalı Ağ Evdəki mənbələrə istinadən xəbər vermişdi ki, Rusiya və İran arasında münasibətlər tam hüquqlu müdafiə tərəfdaşlığına çevrilib. Telekanalın məlumatına görə, Rusiya pilotsuz təyyarələr və raketlərin müqabilində İrana müasir hərbi texnika, o cümlədən helikopterlər və hava hücumundan müdafiə sistemləri, həmçinin, ehtimal ki, Su-35 qırıcıları verməli idi.
Pokiqon.info
Digərxəbərlər
Populyar xəbərlər
