Cümə günü açıqlanacaq yeni sanksiyalar paketi mövcud məhdudiyyətləri dəf etmək üçün imkanların bağlanmasına yönəlib...
ABŞ dövlət katibinin müavini Viktoriya Nuland bildirib ki, amerikalıların G7 tərəfdaşları ilə planlaşdırdıqları yeni sanksiyalar Rusiyanın artıq tətbiq edilmiş sanksiyalardan yan keçmək imkanlarını məhdudlaşdırmağa yönələcək.
Poliqon.info bildirir ki, The Washington Post qəzetinə verdiyi videomüsahibədə Nuland vurğulayıb ki, cümə günü açıqlanacaq yeni sanksiyalar paketi mövcud məhdudiyyətləri dəf etmək üçün imkanların bağlanmasına yönəlib. “Çox diqqətlə və qəsdən sanksiyaların pozulma halalrı diqqət mərkəzindədir”, deyə Nuland vurğulayıb.
“Onlar sanksiyalardan yan keçmək üçün üçüncü ölkələrdən istifadə edirlər. 1000% daha çox noutbuk, iPhone, qabyuyan maşın idxal ediblər”, deyə Nuland bildirib. Nulandın fikrincə bütün bunlardaha çox raket istehsalı üçün müasir çiplər və s. əldə etmək üçün edilir.
Həmçinin yeni sanksiyalarda bir sıra Rusiya banklarına və ABŞ-ın əvvəlki məhdudiyyətlərdən yayınmaq cəhdlərində iştirak etdiyinə inandığı Çin şirkətlərinə təsir edəcək.
Poliqon.info